Македонско лекарско друштво

zom

Лекарска комора

zom

Туристичка агенција

zom

Витроген

zom

КОНГРЕС

Почитувани колеги, драги пријатели и деловни соработници,

Од името на Управниот одбор на Здружението на офталмолозите на Македонија ми претставува особена чест и задоволство да Ве известам и поканам да учествувате на 5-от Конгрес на офталмолозите на Македонија со меѓународно учество.

Овој пат конгресот ќе се одржи во Скопје во периодот од 30.09.- 01.10, во хибриден формат, за да овозможиме учество и на офталмолозите кои од различни причини не можат физички да присуствуваат во Скопје.

И за овој конгрес направивме напори да поканиме атрактивни и еминентни предавачи и експерти во своите подрачја, кои ќе го привлечат и задржат Вашето внимание.

Ваквиот начин на организација на конгресот е еден од начините на адаптација со кои научивме да живееме во изминатите две години соочени со општествените, здравствени, социјални, па и ментални предизвици кои ни ги донесе пандемијата на Covid 19.

Во целосно изменетите животни и професионални услови, Ве покануваме да се вратиме на взаемните дружења преку размена на нови идеи, искуства, дијагностички и хируршки процедури, а воедно да се потсетиме на старите пријателства и спомени и да создадеме нови, “пандемиски”, но не помалку значајни.

Се надевам дека ќе ни се придружите на 5-от Конгрес на офталмолозите на Македонија со меѓународно учество во Скопје.

Ви посакуваме добредојде и Ве очекуваме во септември!

 
проф. д-р Весна Димовска
Претседател на Здружението на офталмолози на Македонија.
 

МЕСТО НА ОДРЖУВАЊЕ НА КОНГРЕСОТ: ХОТЕЛ "HOLIDAY INN"